UMUSOGONGERO KU BUVANGANZO NYARWANDA (2025-2026) Umwaka wa 1 EK Ibiruhuko

Iyi mbumbanyigisho igamije gutuma umunyeshuri ashobora:

•Gusobanura amateka y’ubuvangazo nyakanwa;
•Gusobanura amateka y’ubuvanganzo nyandiko;
•Gusobanura ubuvanganzo nyarwanda gakondo bw’intiti;
•Gusobanura umwihariko wa buri ngeri mu zigize ubwo buvanganzo;
•Kugaragaza agaciro ubwo buvanganzo bwari bufite mu gihe cyo hambere;
•Kugaragaza no gusobanura ingeri zigize ubuvanganzo bwo muri rubanda;
•Gutanga ingero z’ubuvanganzo bwo muri rubanda no kuzisesengura;
•Gusobanura uturango twihariwe na buri ngeri.
•Kuvuga gusesengura ingeri z’ubuvanganzo nyarwanda yibanda ku minozanganzo yakoreshwagamo.

IBIKUBIYE MURI IYI MBUMBANYIGISHO:

   Igice cya mbere:

AMATEKA Y’UBUVANGANZO NYARWANDA
•Amateka y’ubuvanganzo nyakanwa
•Amateka y’ubuvanganzo nyandiko

 Igice cya kabiri :

INSHOZA Y’UBUVANGANZO NYARWANDA GAKONDO NYABAMI N’INGERI ZIBUGIZE
  • Ubwiru
  • Ubucurabwenge
  • Ibisigo
  • Ibyivugo
  • Amazina y’inka
  • Ibitekerezo by'ingabo
  • Indirimbo z’intambara, inanga, imitoma,    n’urwenya
Igice cya gatatu:
IBYICIRO N’UTURANGO BY’UBUVANGANZO NYARWANDA BWO MURI RUBANDA
  • Imigani n’insigamigani
  • Ibitekerezo byo muri rubanda
  • Ibisakuzo n’inanga
  • Uturingushyo n’ibisingizo by’inyamaswa, imyuga n’imihango
  • Urwenya, ubuvanganzo bw’abana
  • Iminozanganzo mu buvanganzo nyarwanda.

UBURYO BW’ISUZUMABUMENYI 
Hazakorwa isuzumabumenyi ry’uburyo bubiri:
Imikoro mu matsinda n’isuzumabumenyi umunyeshuri azakora ku giti ke (Assignments & CATs) biziharira amanota angana na 60%;
Ikizamini gisoza imbumbanyigisho kizagira amanota 40%.

IMIKORESHEREZE Y’IGIHE

Umwarimu azakoresha kimwe cya gatatu (1/3) k’igihe cyagenewe isomo yigisha abanyeshuri imbonankubone naho bibiri bya gatatu (2/3) bisigaye bikoreshwe n’abanyeshuri ubwabo mu kongera ubumenyi, basoma ibitabo n’inyandiko bifitanye isano n’isomo; bakora imirimo mu matsinda; bamurika ibyagezweho n’ubushakashatsi.